Y Pwyllgor Iechyd a Gofal Cymdeithasol

HSC(4)-33-12 papur 6

Y Bil Adennill Costau Meddygol ar gyfer Clefydau Asbestos (Cymru) - Ystyriaeth Cyfnod 1

 

At:                            Y Pwyllgor Iechyd a Gofal Cymdeithasol
Gan:                         Y Swyddfa Ddeddfwriaeth
Dyddiad y cyfarfod:    5 Rhagfyr 2012

Diben

 1.      Gwahodd y Pwyllgor i drafod a chytuno ar ei ddull gweithredu a’r fframwaith ar gyfer craffu yng Nghyfnod 1 ar y Bil Adennill Costau Meddygol ar gyfer Clefydau Asbestos (Cymru) (‘y Bil’).

Cefndir

 

2.       Ar 13 Tachwedd 2012, cytunodd y Pwyllgor Busnes y dylid cyfeirio’r Bil at y Pwyllgor Iechyd a Gofal Cymdeithasol (‘y Pwyllgor’), gan nodi bod angen cyflwyno adroddiad arno erbyn 8 Mawrth 2013. 

 

3.       Ar 3 Rhagfyr 2012, cafodd y Bil a’r Memorandwm Esboniadol eu cyflwyno gan Mick Antoniw AC, yr Aelod sy’n Gyfrifol am y Bil.

 

4.       Mae papur sy’n amlinellu diben a darpariaethau’r Bil wedi’i ddarparu ar wahân.  

Rôl y Pwyllgor

 

5.       Rôl y Pwyllgor yng Nghyfnod 1 yw ystyried egwyddorion cyffredinol y Bil a chyflwyno adroddiad arnynt (Rheol Sefydlog 26.10). Nid oes gofynion penodol yn y Rheolau Sefydlog sy’n rheoli’r modd y bydd y Pwyllgor yn ymgymryd â’r gwaith craffu hwn.  Nodir isod ddull gweithredu awgrymedig, ynghyd â fframwaith awgrymedig i lywio gwaith y Pwyllgor. 

 

6.       Ar ôl i’r Pwyllgor gyflwyno adroddiad, bydd dadl Cyfnod 1 yn cael ei chynnal yn y Cyfarfod Llawn i benderfynu a yw’r Cynulliad yn cytuno ag egwyddorion cyffredinol y Bil. Os caiff yr egwyddorion cyffredinol eu derbyn, bydd y Pwyllgor yn ystyried y Bil yn fanwl yng Nghyfnod 2; bydd hyn yn cynnwys gwaredu gwelliannau (ar hyn o bryd, bwriedir cynnal Cyfnod 2 rhwng 21 Mawrth a 10 Mai 2013). 

 

Fframwaith awgrymedig

 

7.       Wrth ystyried ei ddull o graffu ar egwyddorion cyffredinol y Bil yng Nghyfnod 1, awgrymir y dylai’r Pwyllgor weithio o fewn y fframwaith eang a ganlyn:

 

I’w hystyried:

i.       yr angen am Fil a fydd yn galluogi Llywodraeth Cymru, ar ran y GIG yng Nghymru, i adennill costau triniaeth a gofal meddygol a ddarperir i gleifion yng Nghymru sydd wedi datblygu clefyd sy’n ymwneud ag Asbestos (Mesothelioma, placiau plewrol, tewhau plewrol, canser yr ysgyfaint a chlefydau cysylltiedig eraill) ac wedi cael setliad neu ddyfarniad sifil mewn llys neu y tu allan i lys gan gyflogwr neu gorff arall.

ii.       a yw’r Bil yn cyflawni’r dibenion a bennwyd iddo;

iii.     prif ddarpariaethau’r Bil, ac a ydynt yn briodol i gyflawni ei ddibenion;

iv.      goblygiadau ariannol y Bil;

v.       unrhyw rwystrau posibl i roi’r prif ddarpariaethau ar waith ac a yw’r Bil yn eu hystyried;

vi       a oes unrhyw ganlyniadau anfwriadol yn deillio o’r Bil;

vii.     barn rhanddeiliaid a fydd yn gorfod gweithio yn ôl y trefniadau newydd;

viii.    a yw’r Bil yn cynnwys cydbwysedd rhesymol rhwng y pwerau ar wyneb y Bil a’r pwerau a roddir drwy Reoliadau.

Dull y Pwyllgor o graffu yng Nghyfnod 1

 

8.       Yn unol â’r terfyn amser a bennwyd gan y Pwyllgor Busnes, bydd angen i’r Pwyllgor gwblhau ei waith o graffu ar y Bil a gosod ei adroddiad ar 8 Mawrth 2013 fan bellaf.

 

9.       Mae’r terfyn amser hwn yn golygu bod yn rhaid ymgymryd â’r gwaith hwn o fewn 10 wythnos fusnes, er ei bod yn debygol y bydd yn rhaid ei gyflawni ar yr un pryd â’r gwaith o graffu ar ddau Fil arall, yn ogystal â gwaith polisi y cytunodd y Pwyllgor arno. Mae amser wedi’i neilltuo yng nghyfarfodydd y Pwyllgor ar 10, 16 a 24 Ionawr 2013 i holi tystion, ac ar 7 a 20 Chwefror i drafod y prif faterion ac adroddiad drafft y Pwyllgor ar y Bil.

 

10.     Mae’r Pwyllgor wedi cytuno eisoes ar y dull gweithredu cyffredinol a ganlyn i graffu ar ddeddfwriaeth yng Nghyfnod 1.

 

§   Cais cyffredinol am dystiolaeth
Cyhoeddi cais cyffredinol am dystiolaeth, rhoi gwybod i’r wasg yng Nghymru amdani a’i chyhoeddi ar wefan y Cynulliad.  Mae’r llythyr ymgynghori drafft a rhestr ddrafft o gwestiynau’r ymgynghoriad wedi’u hatodi yn Atodiad 1.

 

§   Cais am dystiolaeth ysgrifenedig
Gwahodd sefydliadau ac unigolion a ddewiswyd i gyflwyno tystiolaeth ysgrifenedig. Mae rhestr o ymgyngoreion posibl wedi’i hatodi yn Atodiad 2.

 

§   Tystiolaeth lafar
 Gwahodd y prif randdeiliaid i roi tystiolaeth lafar mewn cyfarfodydd yn y dyfodol (gan gynnal yr ymgynghoriad ar yr un pryd). Mae rhestr dros dro o dystion o’r sectorau perthnasol wedi’i hatodi yn Atodiad 3. Hefyd, awgrymir y dylid gofyn am dystiolaeth ysgrifenedig benodol gan ddau sefydliad, er nad ystyrir ei bod yn angenrheidiol eu galw i fod yn dystion. (Gweler Atodiad 4)

 

§   Allgymorth

O gofio natur y Bil a’r ffaith ei fod yn effeithio yn bennaf ar gyrff canolog y Llywodraeth a buddiannau preifat penodol, ar yr achlysur hwn nid argymhellir defnyddio Tîm Allgymorth y Cynulliad i ymgysylltu â chroestoriad o’r cyhoedd i ganfod ei farn am y Bil. 

 

11.     Mae’r terfyn amser o ran cyflwyno adroddiad yn ei gwneud yn bosibl cael cyfnod ychydig yn hwy na chwe wythnos i gynnal ymgynghoriad, sef rhwng 29 Tachwedd 2012 a 10 Ionawr 2013. Dylai hyn ganiatáu i’r Pwyllgor ystyried a ddylid gwahodd unrhyw dystion ychwanegol i roi tystiolaeth i’r Pwyllgor yng ngoleuni’r dystiolaeth ysgrifenedig a gafwyd, er y byddai amser yn brin iawn.

 

12.     Bydd y dystiolaeth ysgrifenedig a llafar a gasglwyd yn helpu i lywio gwaith y Pwyllgor o drafod y Bil a’i adroddiad dilynol.

 

13.     Er gwybodaeth, mae’r Rheolau Sefydlog yn galluogi’r Pwyllgor Cyllid a’r Pwyllgor Materion Cyfansoddiadol a Deddfwriaethol i adrodd ar agweddau perthnasol y Bil.

 

Y rhaglen waith

 

14.     Mae amserlen ar gyfer gwaith craffu’r Pwyllgor yng Nghyfnod 1 wedi’i hatodi yn Atodiad 5.

Cam i’w gymryd

 

15.     Gwahoddir y Pwyllgor i:

 

 

 

 

 

Y Pwyllgor Iechyd a Gofal Cymdeithasol

Health and Social Care Committee

 

 

 

 

 

 

 

 

Bae Caerdydd / Cardiff Bay

 Caerdydd / Cardiff

CF99 1NA

                                                             

                              

5 Rhagfyr 2012

 

 

Annwyl Syr/Madam,

 

Ymgynghoriad ar y Bil Adennill Costau Meddygol ar gyfer Clefydau Asbestos (Cymru)

 

Fel rhan o’i waith o drafod y Bil Adennill Costau Meddygol ar gyfer Clefydau Asbestos (Cymru) yng Nghyfnod 1, mae’r Pwyllgor Iechyd a Gofal Cymdeithasol yn galw am dystiolaeth ynghylch egwyddorion cyffredinol y Bil. I gynorthwyo ei waith, byddai’r Pwyllgor yn croesawu eich barn am y pwnc hwn.

 

Beth yw Bil?

 

Cyfraith ddrafft yw Bil. Ar ôl i’r Cynulliad ystyried a phasio Bil, ac ar ôl i’r Bil gael Cydsyniad Brenhinol gan y Frenhines, mae’n dod yn ‘Ddeddf y Cynulliad’.

 

Mae pedwar cyfnod i’r broses o ystyried Bil. Yng Nghyfnod 1, bydd pwyllgor yn ystyried egwyddorion cyffredinol y Bil (sy’n cynnwys cymryd tystiolaeth ysgrifenedig ac ar lafar gan rai sydd â diddordeb a chan randdeiliaid), a chael cytundeb y Cynulliad i’r egwyddorion cyffredinol hynny.

 

Beth y mae’r Bil hwn yn gobeithio ei gyflawni?

 

Mae’r Memorandwm Esboniadol sy’n cyd-fynd â’r Bil yn datgan:

 

“Nod y Bil yw galluogi Gweinidogion Cymru i adennill oddi wrth ddigolledwr (sef person sy’n gwneud taliadau digolledu neu sy’n eu gwneud ar ei ran, i neu ar gyfer dioddefwr clefyd sy’n ymwneud ag asbestos), gostau penodol sy’n dod i ran y GIG yng Nghymru wrth ddarparu gofal a thriniaeth ar gyfer dioddefwr y clefyd sy’n ymwneud ag asbestos.”

 

Beth yw rôl y Pwyllgor?

 

Rôl y Pwyllgor yw ystyried egwyddorion cyffredinol y Bil a chyflwyno adroddiad arnynt. Wrth wneud hyn, mae’r Pwyllgor wedi cytuno i weithio o fewn y fframwaith a ganlyn:

 

I’w hystyried:

 

i)     yr angen am Fil i alluogi Llywodraeth Cymru, ar ran y GIG yng Nghymru, i adennill costau triniaeth a gofal meddygol a ddarperir i gleifion yng Nghymru sydd wedi datblygu clefyd sy’n ymwneud ag Asbestos (Mesothelioma, placiau plewrol, tewhau plewrol, canser yr ysgyfaint a chlefydau cysylltiedig eraill) ac wedi cael setliad neu ddyfarniad sifil mewn llys neu y tu allan i lys gan gyflogwr neu gorff arall;

ii)   a yw’r Bil yn cyflawni’r dibenion a bennwyd iddo;

iii)  prif ddarpariaethau’r Bil, ac a ydynt yn briodol i gyflawni ei ddibenion; 

iv)  goblygiadau ariannol y Bil;

v)    unrhyw rwystrau posibl i roi’r prif ddarpariaethau ar waith ac a yw’r Bil yn eu hystyried;

vi)  a oes unrhyw ganlyniadau anfwriadol yn deillio o’r Bil;

vii) barn rhanddeiliaid a fydd yn gorfod gweithio yn ôl y trefniadau newydd;

viii)        a yw’r Bil yn cynnwys cydbwysedd rhesymol rhwng y pwerau ar wyneb y Bil a’r pwerau a roddir drwy Reoliadau.

 

Gwahoddiad i gymryd rhan yn yr ymchwiliad

 

Hoffai’r Pwyllgor eich gwahodd i gyflwyno tystiolaeth ysgrifenedig i gynorthwyo ei waith o graffu ar y Bil. Yn benodol, byddem yn croesawu eich sylwadau ar y cwestiynau a restrir yn Atodiad 1.

 

Os hoffech gyflwyno tystiolaeth, anfonwch gopi electronig ohoni at PwyllgorIGC@cymru.gov.uk a rhowch y teitl a ganlyn ar yr e-bost “Ymgynghoriad – y Bil Adennill Costau Meddygol ar gyfer Clefydau Asbestos (Cymru).”

 

Fel arall, gallwch ysgrifennu at:

 

Olga Lewis, Dirprwy Glerc

Y Swyddfa Ddeddfwriaeth

Cynulliad Cenedlaethol Cymru

Bae Caerdydd, CF99 1NA

 

Dylai’r dystiolaeth gyrraedd erbyn 10 Ionawr 2013.  Efallai na fydd yn bosibl ystyried unrhyw ymateb a ddaw i law ar ôl y dyddiad hwn.

Wrth baratoi eich cyflwyniad, cadwch y canlynol mewn cof:

§   dylai eich ymateb gyfeirio at y materion sydd gerbron y Pwyllgor. Gofynnwn ichi roi’r teitl a nodir uchod ar eich tystiolaeth;

§   bydd y Cynulliad Cenedlaethol fel rheol yn sicrhau bod ymatebion i ymgynghoriad cyhoeddus ar gael yn gyhoeddus, ac efallai y cânt eu gweld a’u trafod gan Aelodau’r Cynulliad mewn cyfarfodydd pwyllgor. Os nad ydych am i’ch ymateb na’ch enw gael eu cyhoeddi, mae’n bwysig eich bod yn nodi hynny’n glir wrth gyflwyno’r dystiolaeth;

§   nodwch ai ymateb fel unigolyn neu ar ran sefydliad yr ydych; a

§   nodwch a fyddech yn barod i roi tystiolaeth lafar i’r Pwyllgor.

 

Mae’r Pwyllgor yn croesawu cyfraniadau yn Gymraeg ac yn Saesneg a bydd yn ystyried yr ymatebion i’r ymgynghoriad ysgrifenedig ac yn cynnal sesiynau tystiolaeth lafar yn ystod tymor y gwanwyn.

 

Er gwybodaeth, mae’r Pwyllgor wedi gwahodd ymatebion gan y rhai a enwyd ar y rhestr atodedig (gweler Atodiad 3). Byddai’r Pwyllgor yn ddiolchgar pe baech yn gallu anfon copi o’r llythyr at unrhyw unigolion neu sefydliadau nad ydynt wedi’u cynnwys ar y rhestr hon, ond a hoffai gyfrannu at yr ymchwiliad o bosibl. Mae copi o’r llythyr hwn wedi’i roi ar wefan y Cynulliad ynghyd â gwahoddiad agored i gyflwyno sylwadau.

 

Datgelu Gwybodaeth

 

Mae’n arferol i’r Cynulliad Cenedlaethol gyhoeddi tystiolaeth a ddarperir i bwyllgor.  O ganlyniad, efallai y bydd eich ymateb yn ymddangos mewn adroddiad neu mewn tystiolaeth ategol sy’n rhan o adroddiad.  Ni fydd y Cynulliad Cenedlaethol yn cyhoeddi gwybodaeth a ystyrir yn ddata personol.

 

Os ceir cais am wybodaeth a gyflwynwyd o dan ddeddfwriaeth y DU, efallai y bydd angen datgelu’r wybodaeth a ddarperir gennych.  Gall hyn gynnwys gwybodaeth a ddilëwyd cyn hynny gan y Cynulliad Cenedlaethol at ddibenion cyhoeddi.

 

Os byddwch yn darparu unrhyw wybodaeth, ac eithrio data personol, nad yw’n addas i’w datgelu i’r cyhoedd yn eich barn chi, eich cyfrifoldeb chi yw nodi pa rannau na ddylid eu cyhoeddi a rhoi dadl resymol dros hyn. Bydd y Cynulliad Cenedlaethol yn ystyried hyn wrth gyhoeddi gwybodaeth neu wrth ymateb i geisiadau am wybodaeth.

 

Os oes gennych unrhyw ymholiadau, cysylltwch â Steve George, Clerc y Pwyllgor, drwy ffonio 029 2089 8242, neu Olga Lewis, y Dirprwy Glerc, drwy ffonio 029 2089 8154.

 

Yn gywir

 

 

Mark Drakeford AC

Cadeirydd

Atodiad 1

 

Cwestiynau’r ymgynghoriad

 

Cyffredinol

 

1. A oes angen Bil i’w gwneud yn bosibl adennill costau triniaeth y GIG ar gyfer clefydau sy’n ymwneud ag asbestos yng Nghymru? Esboniwch eich ateb.

 

2. A ydych yn credu bod y Bil, fel y’i drafftiwyd, yn cyflawni’r amcanion sydd wedi’u nodi yn y Memorandwm Esboniadol? Esboniwch eich ateb.

 

3. A yw adrannau’r Bil yn briodol o ran cyflwyno cyfundrefn i’w gwneud yn bosibl adennill costau triniaeth y GIG ar gyfer clefydau sy’n ymwneud ag asbestos yng Nghymru? Os nad ydynt, pa newidiadau y mae angen eu gwneud i’r Bil?

 

4. Sut y bydd y Bil yn newid yr hyn y mae sefydliadau yn ei wneud ar hyn o bryd, a pha effaith y bydd newidiadau o’r fath yn ei chael, os o gwbl?

 

5. Beth yw’r rhwystrau posibl i roi darpariaethau’r Bil ar waith (os ydynt yn bodoli), ac a yw’r Bil yn rhoi ystyriaeth ddigonol iddynt?

 

Pwerau i wneud is-ddeddfwriaeth

 

6. Beth yw eich barn am y pwerau yn y Bil i Weinidogion Cymru wneud is-ddeddfwriaeth (hynny yw, offerynau statudol, gan gynnwys rheoliadau, gorchmynion a chyfarwyddiadau)?

 

Wrth ateb y cwestiwn hwn, mae’n bosibl y byddwch am ystyried Adran 5 o’r Memorandwm Esboniadol, sy’n cynnwys tabl yn crynhoi’r pwerau a fydd yn cael eu dirprwyo i Weinidogion Cymru yn y Bil i wneud gorchmynion a rheoliadau ac yn y blaen. 

 

Goblygiadau ariannol

 

7. Beth yw eich barn am oblygiadau ariannol y Bil?

 

Wrth ateb y cwestiwn hwn, mae’n bosibl y byddwch am ystyried Rhan 2 o’r Memorandwm Esboniadol (yr Asesiad Effaith Rheoleiddiol), sy’n cynnwys amcangyfrif o’r costau a’r buddion sy’n gysylltiedig â rhoi’r Bil ar waith.

 

Sylwadau eraill

 

8. A oes unrhyw sylwadau eraill yr hoffech eu gwneud am rannau penodol o’r Bil?

Atodiad 2

Rhestr o ymgyngoreion posibl

 

Awdurdodau Lleol

Cyngor Bwrdeistref SirolBlaenau Gwent

Cyngor Bwrdeistref Sirol Pen-y-bont ar Ogwr

Cyngor Bwrdeistref Sirol Caerffili

Cyngor Caerdydd

Cyngor Sir Gâr

Cyngor Sir Ceredigion 

Cyngor Bwrdeistrefol Sirol Conwy 

Cyngor Sir Ynys Môn 

Cyngor Sir Ddinbych 

Cyngor Sir y Fflint 

Cyngor Gwynedd 

Cyngor Bwrdeistref Sirol Merthyr Tudful 

Cyngor Sir Fynwy 

Cyngor Bwrdeistref Sirol Castell-nedd Port Talbot 

Cyngor Dinas Casnewydd

Cyngor Sir Penfro 

Cyngor Sir Powys 

Cyngor Bwrdeistref Sirol Rhondda Cynon Taf 

Dinas a Sir Abertawe 

Cymdeithas Prif Weithredwyr yr Awdurdodau Lleol 

Cyngor Bwrdeistref Sirol Tor-faen

Cyngor Bro Morgannwg 

Cyngor Bwrdeistref Sirol Wrecsam

 

Y Sector Gwirfoddol

Cynghrair Henoed Cymru

Age Cymru  

ARC Cymru

Llywodraeth Well i Bobl Hŷn 

Diverse Cymru

Contact the Elderly 

Gofal Galar Cruse Cymru

Ymddiriedolaeth Ddinesig Cymru

Anabledd Cymru

Grwp Eirioli a Chefnogi Byw'n Annibynnol Gwynedd (ILASGG)

Cymdeithas Genedlaethol Pensiynwyr Cymru 

Ffederasiwn Cenedlaethol Sefydliadau’r Merched

Cymdeithas y Cleifion

Fforwm Pensiynwyr Cymru      

Rethink

Pensiynwyr Cymru

Gwasanaeth Brenhinol Gwirfoddol y Merched (Cymru)

 

 

 

Grwpiau Cynghori

Arolygiaeth Gofal a Gwasanaethau Cymdeithasol Cymru

Cyngor Gofal Cymru

Cancer Research UK

Cyngor ar Bopeth Cymru 

Cynghrair Pensiynwyr y Gwasanaeth Sifil

Coalition on Charging Cymru 

Llais Defnyddwyr Cymru 

Diverse Cymru

Y Comisiwn Cydraddoldeb a Hawliau Dynol

National Voices

Un Llais Cymru  

OPAN Ymchwil Heneiddio Cymru 

RNIB Cymru 

Action on Hearing Loss Cymru

UNSAIN Cymru  

Cyngor Cymru i’r Deillion 

Cyngor Cymru i Bobl Fyddar

 

Cyrff Cynrychioliadol

Asbestos Awareness and Support Cymru

Fforwm Grwpiau Cymorth Dioddefwyr Asbestos

Aslef 

Cymdeithas Yswirwyr Prydain 

Cymdeithas y Cyfreithwyr Anafiadau Personol (Cymru)

Cymdeithas Cyfarwyddwyr Iechyd y Cyhoedd

BMA Cymru

Sefydliad Prydeinig yr Ysgyfaint (Cymru) 

Clwb Busnes Caerdydd

Clydeside Action on Asbestos

Cydffederasiwn Diwydiant Prydain

Cydffederasiwn Diwydiant Prydain (Cymru)

Cydffederasiwn Cynghorau Iechyd Cymuned

Undeb y Brigadau Tân (FBU)

Cyfadran Iechyd y Cyhoedd

Fforwm y Cyfreithwyr Yswiriant

GMB

Sefydliad y Cyfarwyddwyr (Cymru)

Cymdeithas y Cyfreithwyr (Cymru) 

Macmillan yng Nghymru 

Marie Curie

Mesothelioma UK 

Cymdeithas Genedlaethol yr Ysgolfeistri ac Undeb yr Athrawesau (NASUWT) Cymru 

Undeb Cenedlaethol yr Athrawon (NUT) Cymru

Undeb y Gwasanaethau Cyhoeddus a Masnachol (PCS) Cymru  

Iechyd Cyhoeddus Cymru  

Undeb Cenedlaethol y Gweithwyr Rheilffordd, Morwrol a Thrafnidiaeth (RMT)

Tenovus

Undeb Adeiladu, Crefftau Perthynol a Thechnegwyr (UCATT)

Unite Cymru

Cyngres yr Undebau Llafur (TUC) Cymru

Conffederasiwn GIG Cymru

 

Llywodraeth/Llywodraeth Leol

Archwilydd Cyffredinol Cymru

Llywodraeth Well i Bobl Hŷn 

Comisiynydd Pobl Hŷn Cymru

Comisiynydd Plant Cymru

Ymddiriedolaeth Ddinesig Cymru

Un Llais Cymru  

Ombwdsmon Gwasanaethau Cyhoeddus Cymru

Cyngor Gweithredu Gwirfoddol Cymru

Cymdeithas Llywodraeth Leol Cymru 

 

Iechyd/Iechyd y Cyhoedd

Cymdeithas Ymarferwyr Cymunedol ac Ymwelwyr Iechyd  

Cymdeithas Feddygol Prydain

Bwrdd Cynghorau Iechyd Cymuned yng Nghymru 

Prif Weithredwyr Ymddiriedolaethau’r GIG yng Nghymru  

Y Cyngor Meddygol Cyffredinol yng Nghymru     

Pwyllgor Ymarferwyr Cyffredinol Cymru 

Cynghorau Iechyd Cymuned yng Nghymru 

Fferylliaeth Gymunedol Cymru  

Comisiwn Iechyd Cymru

Arolygiaeth Gofal Iechyd Cymru       

Pwyllgorau Meddygol Lleol 

Coleg Brenhinol yr Ymarferwyr Cyffredinol 

Coleg Brenhinol y Nyrsys, Cymru (RCN Cymru) 

Coleg Brenhinol y Ffisigwyr  

Coleg Brenhinol y Llawfeddygon 

Cymdeithas Fferyllol Frenhinol Prydain Fawr

Conffederasiwn GIG Cymru 

Bwrdd Cenedlaethol Cymru dros Nyrsio, Bydwreigiaeth a Gwasanaethau Ymwelwyr Iechyd

 

Byrddau Iechyd ac Ymddiriedolaethau’r GIG yng Nghymru

Bwrdd Iechyd Lleol Prifysgol Abertawe Bro Morgannwg 

Bwrdd Iechyd Lleol Aneurin Bevan

Bwrdd Iechyd Lleol Prifysgol Betsi Cadwaladr

Bwrdd Iechyd Lleol Prifysgol Caerdydd a’r Fro

Bwrdd Iechyd Lleol Hywel Dda

Bwrdd Iechyd Lleol Cwm Taf

Bwrdd Iechyd Lleol Addysgu Powys

Iechyd Cyhoeddus Cymru

Ymddiriedolaeth GIG Felindre  

Ymddiriedolaeth GIG Gwasanaethau Ambiwlans Cymru

 

 

Gwasanaethau Tân

 

Gwasanaeth Tân ac Achub Canolbarth a Gorllewin Cymru

Gwasanaeth Tân ac Achub Gogledd Cymru

Gwasanaeth Tân ac Achub De Cymru

 

 

Atodiad 3

 

Awgrymiadau ynghylch unigolion/sefydliadau a allai roi tystiolaeth lafar i’r Pwyllgor:

 

Yr Aelod sy’n Gyfrifol:

 

 

Y Diwydiant Yswiriant

 

 

Cynrychiolwyr Cyflogeion* a Dioddefwyr Asbestos

 

Tystiolaeth gan banel yn cynnwys:

 

Cynrychiolwyr Byd Busnes

 

Tystiolaeth gan banel yn cynnwys:

 

Gweithwyr proffesiynol ym maes meddygaeth

 

Tystiolaeth gan banel yn cynnwys:

 

Gweithwyr proffesiynol ym maes y gyfraith

 

Tystiolaeth gan banel yn cynnwys:

 

Y Gweinidog Iechyd a Gwasanaethau Cymdeithasol

 

 

*Undebau llafur eraill y gellid eu gwahodd

 

UNSAIN Cymru

Unite Cymru

Cyngres yr Undebau Llafur (TUC) Cymru

Undeb Adeiladu, Crefftau Perthynol a Thechnegwyr (UCATT)

Atodiad 4

 

Sefydliadau y gellid gofyn iddynt ddarparu tystiolaeth ysgrifenedig benodol i’r Pwyllgor:

 

Yr Uned Adfer Iawndal (Adran Gwaith a Phensiynau Llywodraeth y DU)

 

 

Comisiwn y Gyfraith

 

Atodiad 5

Rhaglen waith ddrafft – dros dro

Dyddiad

 

 

5 Rhagfyr 2012

 

11.10 – 12.10: Cyfnod 1 – trafodaeth ar y ffordd o weithio

 

Toriad y Nadolig

 

10 Ionawr 2013

Bore

 

09.00 – 10.00 Tystiolaeth gan Mick Antoniw AC – Yr Aelod sy’n Gyfrifol

10.00 – 10.15 Trafodaeth ar dystiolaeth yr Aelod sy’n Gyfrifol (preifat)

10.15 – 11.00 Sesiwn Dystiolaeth 1 (Panel)

11.00 – 11.45 Sesiwn Dystiolaeth 2 (Panel)

 

 

16 Ionawr 2013

Bore

 

09.00 – 10.00 Sesiwn Dystiolaeth 3 (ABI)

10.00 – 10.45 Sesiwn Dystiolaeth 4 (Panel)

10.45 – 12.30 Sesiwn Dystiolaeth 5 (Panel)

 

 

24 Ionawr 2013

Bore

 

Sesiwn dystiolaeth 6 (Gweinidog)

Mick Antoniw AC – yr Aelod sy’n Gyfrifol (60 munud)

 

 

7 Chwefror 2013

 

 

Trafodaeth breifat (ar y papur ynghylch y prif faterion)

Toriad Mis Chwefror

 

20 Chwefror 2013

 

 

Trafodaeth breifat ar yr adroddiad drafft

 

 

27 Chwefror 2013

 

 

Trafodaeth breifat ar yr adroddiad drafft (os na chytunwyd arno ar 20 Chwefror)